Қазақстанда жасалған алғашқы электро автобустар ЭКСПО-ның бірінші күнінен жолға шығады
Қытаймен бірлесіп құрастырылған қоғамдық көліктер көрме қалашығынан жолаушыларды тегін тасымақ.
Автор: Азамат Алдоңғаров
07.06.2017
Әзірге жолға екі автобус шығады. Эко-көліктер небары сегіз минуттың ішінде толық қуатталып, 70 шақырымды тоқтамай жүруге қауқарлы. Айта кетерлігі, электробус бөлшектерінің 40 пайызы отандық. Қалған 60 пайызы да 2-3 жылдан кейін өзімізде жасалмақшы. Құрастырушылардың айтуынша, автобустар ақылды борт компьютермен жабдықталған. Яғни жүргізуші қанша тырысса да жол жүру ережелерін бұзбайды. Ал құны 70-75 млн теңге аралығында.
Ерлан Стамбеков, «Higer Quazar» АҚ бақылаушы кеңесінің төрағасы:
-Бұл көлік Қазақстанның климатына толық бейімделген. Тиісті сынақтардан өтті. Әсіресе Астананың қатал қысына шыдамды. Бұл біздің ғалымдар мен Қытай мамандарының бірлескен зерттеулерінің нәтижесі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
