Топ болып жүрген мына жігіттердің көлігінен ұсталған сәтте 170 мың теңге шықты. Одан бөлек, А4 форматты қағазға басылған, бірақ әлі қиылып үлгермеген ақша үлгілері табылды. Белгілі болғаны, қылмыстық топ бума-бума жалған ақшаларды жасап алып, онысын шағын дүкендер мен сауда орындарында, сондай-ақ жол бойындағы саудагерлерге өткізіп отырыпты. Олардың осыған дейін қанша қаражатты нарыққа енгізіп үлгергені әзірге белгісіз. Қазір оларға қатысты сотқа дейінгі тергеу амалдары жүргізілуде. Жалпы, мұндай қылмыс үшін ең арысы 12 жылға дейін бас бостандығынан айыру жазасы қарастырылған.

Жақсылық Мырзахан, Алматы облысы мемлекеттік кірістер департаменті экономикалық тергеу қызметінің өкілі:

-Бұл азаматтар жалған ақшаны Еңбекшіқазақ ауданында орналасқан астыртын цехта дайындаған. Дайындау үшін олар компьютер, түрлі-түсті принтер және арнайы ақша шығаруға арналған қағаздар арқылы жалған ақшалар жасап отырған. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!