Ал дау тудырған туындыны суретшілер қайтадан бояп үлгеріпті. Ресей картасының орнына қызыл алаңды салса, Украинаға тиесілі шарды ту түстес бояумен жағып тастаған. Астанадағы «Нұржол» бульварына ЭКСПО-ға қатысып жатқан мемлекеттердің шар іспеттес картасын көтерген  адамдардың мүсіні қойылған болатын. Солардың  ішінде Ресейдің территориясы бейнеленген картаға Қырым қосылып кеткен. Мұны көрген Украина елшілігі Қазақстанға наразылық білдіріп, Сыртқы істер министрлігінің түсініктеме  беруін талап етіпті. Біздің дипломаттар Украинаның шамына тиетіндей сурет салған қылқалам шеберлерін дереу тауып, кешірім сұратқан. Айта кетсек, Украинаның Қырым аймағын Ресей 3 жыл бұрын аннексиялап алған болатын.

Мұхтар Тілеуберді, ҚР Сыртқы істер министрінің орынбасары:

-Біріншіден, бұл оқиғадан саяси астар іздеудің қажеті жоқ. Суретшілердің салғаны, оның түбінде ешқандай саяси ой  болмаған. Олар өз кінәсін мойындады және Украинаның елшілігіне кешірім сұрап, ресми хат жолдады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!