Ақтаулықтар сұйық майға таласып қалды

Супермаркеттердің бірінде жарияланған акция кезінде жұрт арзан май үшін бірін-бірі таптап кете жаздады. Сұйық майға 50 пайыздық жеңілдік жариялаған супермаркет бұл әрекеті үшін соңында өкініп қалды. Өйткені, арзан тауарға таласқан жұрт бір-бірін таптап, тіпті қызметкерлердің өзін қысып жіберген. Акция бойынша тұрғындар тек үш данасын ғана сатып ала алады екен. Алайда, 300 теңгенің майын 150 теңгеге алуға асыққан ақтаулықтар акция шартына пысқырқырып та қарамады. Сатушылардың қолынан бірден бірнешеуін жұлып әкетіп жатты.