Көпшілікке ұсынылған мына көрмеде энергияны өндірудің жаңа жолдары көрсетілген. Мәселен, мында ғалымдар үйге электр қуатын алыстан сыммен тартпай, судан қалай алуға болатынын көрсетіп қойыпты. Осы секілді энергияны өндірудің тың әдістері бүгін инженерлер мен ғалымдардың Дүниежүзілік конгресінде айтылды.

Бақытжан Жұмағұлов, ҚР Ұлттық инженерлік академиясының президенті:

-Желдің күннің энергиясын қалай пайдалану керек? Оны пайдалануды біреу ойлап тапты сонымен бітіп қалған жоқ. Ол күннен күнге жаңара беретін нәрсе ғой. Сондықтан әр әлемде осындай фундаменталды жетістіктер бар. Соны елімізге алып келуіміз керек.

Жалпы ғалымдардың мұндай конгресі елімізде ғана емес, Орталық Азияда алғашқы рет өтіп жатыр. Оған 51 елден қатысып жатқан энергетика саласының үздіктері қауіпсіз, қол жетімді әрі экологиялық таза энергияны өндірудің түрлі жолдарын талқылауда. Арасында Нобель мен «Жаһандық энергия» халықаралық сыйлығының лауреттары бар. Мохан Мунасингхе солардың бірі.

Мохан Мунасингхе, Энергетика және климаттың өзгеруі саласындағы сарапшы (Шри-Ланка):

-Қазір адамзаттың міндеті қоршаған ортаны қорғау. Энергия үнешілікке көшіп, табиғи ресурстарды тиімді пайдалану. Бұл барлық елдің мақсаты болғандықтан осылай тәжірибе алмасып, баламалы энергияға бірге қол жеткізу керек.

Жалпы мұндай ауқымды форум ертең де жалғасады. Кейін конгрес барысында айтылған тың идеяларды еліміздің ғалымдары шетелдік әріптестерімен бірігіп, іске асырмақ. Ол үшін маңызды шараның соңында тиісті меморандумға қол қойылмақшы. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!