Оралда лаңкестік шабуыл жасауды көздеген 8 адам сотталды

Жанғала ауылының тұрғындары Ақтөбедегі терактіден кейін жергілікті полиция бөлімшесін жарып жібермек болған. Алайда оларды Ұлттық қауіпсіздік комитеті дер кезінде құрықтапты. Тергеу мәліметтеріне сай, қылмыскерлер қару-жарақ алып, қолдан жарылғыш зат жасаған. Тіпті ауыл ішінде «Ислам мемлекеті» лаңкестік тобының туын желбіретіпті. Лаңкестік топтың жетекшісі 15 жылға сотталса, қалғандары 6-дан 11 жылға дейін жаза арқалады. Алайда, адвокаттары істің қайта қаралуын талап етіп отыр. Өйткені, ешқайсының кінәсі толық дәлелденген жоқ деген пікірде.