Сценарийі нағыз фильмге бергісіз оқиға маусымның 18-нен 19-на ауған түні болған. Абылай Сүлейменов сол күні досымен бірге Ақшұқыр маңында суға шомылмақ болып, қарапайым автомобиль камерасының көмегімен жүзіп жүргіпті. Бірақ қатты толқын оларды жағадан алыстатып жіберген. Жанындағы досы өз күшімен жүзіп шықса, Абылай ашық теңізге кеткен. Қараңғыда қайда жүзерін білмеген жігіт бағдар жоғалтып алғанын айтады. Одан кейінгі екі күн бойы көрген тікұшақтар мен пароходтарға айқайлап, көмекке шақырғанымен нәтиже шықпаған. Тек кеше алыстағы кемеге өз күшімен жүзіп барады. Ирандық теңізшілер оны дереу ауруханаға жеткізген.  

Абылай Сүлейменов:

-Толқынмен жүре бердім, күш болған жоқ жүзетін.  Менің мақсатым жағаға шығу болды. Басқа ештеңені ойлаған жоқпын. Алладан дұға тілеп, жағаға шығуды сұрадым. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!