Павлодар облысында құтқарушылар екі бала мен әйелді алапат өрттен әрең алып шықты

Павлодар облысында көпқабатты үйде өрт шықты. Жалын шарпыған пәтерден екі бала мен әйел әрең дегенде құтқарылған. Екібастұздағы өрттің қатты болғаны сонша, іштегілердің балкон арқылы шығуына тура келді. Мына кадрларда екі бала мен олардың анасын сондағы тұрғындардың балкон арқылы шатырға тартып шығарғаны анық көрінеді. Емізулі сәбиі бар 28 жастағы келіншекпен, оның 6 жасар баласының қатты шошып қалғаны болмаса, олар дін аман. Құтқарушылар олардан басқа, бес қабатты бұл үйден 9 адамды қауіпсіз жерге көшірген.