Ең көп ұпай жинаған алматылық түлек тәжірбиесімен бөлісті
Биыл бірде-бір түлек Ұлттық бірыңғай тестілеудің ең жоғары көрсеткішіне жете алмады. Білім министрлігінің мәліметі бойынша, ел көлеміндегі орташа балл – 80. Тест тапсырған 88 мыңнан астам түлектің 84 пайызы шекті 50 балдан асса, 16 пайызға жуығы межеге ақыры жете алмапты.
Автор: Азамат Алдоңғаров
30.06.2017
Рамазан Әлімқұлов, Ұлттық тестілеу орталығының директоры:
-ҰБТ тапсыру талаптарын бұзғаны үшін, нақтырақ айтсақ ұялы телефон алып кірмек болған 12 түлек емтиханнан қуылды. Жалпы 84 мыңнан астам тыйым салынған зат тәркіленді. Оның тең жартысы электронды қондырғылар болса, қалғаны дәстүрлі шпаргалка.
Ел бойынша ең жоғарғы нәтижені алматылық Саят Тасан көрсетті. Бес пәннен 139 балл жинаған түлектің, десе де көңілі тоқ емес. Емтиханға екі жыл қатарынан дайындалған оқушы толық 140-ты аларына сенімді бопты. Тіпті берілген уақытты толық пайдаланбай, тапсырманы аяқтап ерте шығып кеткен. Саятты сүріндірген жалғыз сұрақ, күтпеген пәннен, оқу сауаттылығынан келіпті.
Саят Тасан, түлек:
-Бір балл ғана жетпей қалғаны шынымен менің көңілімді түсіріп жіберді. Сондықтан мен қатты қуандым деп айта алмаймын. Маған қарағанда менің ата-анам, ұстаздарым, туысқандарым қатты қуанды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
