Басы ауырып, жүрегі айныған келіншек бірінші күні ауылдық амбулаториядан екпе алумен шектелген. Тек, ертесіне аудандық ауруханаға барып, кеуде тұсы ауыратынын айтыпты. Сөйтіп оның асқазанында ойық жарасы бары анықталып, ем жасалапды. Алайда сол күні кешке науқастың хәлі күрт нашарлап, жансақтау бөліміне жатқызылған. Бірақ арада бір сағат өтпестен көз жұмды. Кене шаққанын дер кезінде білмегендіктен марқұмның ауруы асқынып кеткен деген болжам бар. Өйткені оның тік ішегінен де қан кетіпті. Ал 39 жастағы келіншектің безгекке ұшырағаны бақилық болған соң ғана анықталды. Көз жұмған әйелдің күйеуі екеуі қойлы ауылда мал баққандықтан кеселге сол жерде душар болуы мүмкін екендігі айтылуда. Қайғылы жағдайдан соң жайлаудағы мал-жан мен қора-қопсы түгел залалсыздандырылды.

Ирина Пак, Жамбыл облыстық жұқпалы аурулар ауруханасы бас дәрігерінің орынбасары:

-Марқұммен елу адам қарым-қатынаста болған. Оның 14-і өзінің жақындары болса, 36-сы медицина қызметкерлері. Қазір олардың 12-сі ауруханада ем алып жатыр. Әзірге ешбірінен қауіпті кеселдің белгілері байқалған жоқ. Жалпы жыл басынан бері облыста 4 адамды кене шағу дерегі тіркелсе, біреуі көз жұмып отыр. Біреуі сауығып кетсе, екеуі әлі ем алуда.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!