Қытайдың оңтүстігінде толассыз жауған жауыннан лай көшіп, оншақты көлікті басып қалды

Жантүршігерлік табиғат апаты бейнетіркеуішке түсіп қалған. Таудан аққан лайсаң тізбектеліп келе жатқан бірнеше көлікті әп-сәтте жапырып өтеді. Оқиға орнына келген құтқарушылар 16 адамды балшықтың арасынан аршып алды. Олардың үшеуі ауыр жараланған. Қалғандары дін аман екен. Қазір Санцзян Донг ауданындағы тас жол уақытша жабылды. Мұнда жолды лайдан тазарту жұмыстары жүргізіліп жатыр. Сондай-ақ бірнеше күннен бері тоқтамай жауған жауыннан тағы да лай көшуі мүмкін деген қауіп бар.