Ақтауда 1 тоннадан астам бекіре жасырылған заңсыз қойма анықталды

Ұсталған азаматтар азық-түлік сақтайтын орынға 250 бекірені тығып қойыпты. Қызыл кітапқа енген балықтар қара базарда саудаға шығарылмақ болыпты. Әшкереленген балықтардың нақты салмағы 1 тонна 151 келіні құрады. Ал күдікті ретінде ұсталған 35 жастағы жігіт Әзірбайжан азаматы болып шықты. Тергеу мәліметтері бойынша, ол осыншама балықты браконьерлерден сатып алған. Енді қылмысы дәлелденсе, 3 жылға дейін бас бостандығынан айырылуы мүмкін.