Денсаулығын күтпейтін саудагерлерді дәрігерлер өздері іздеп барды
Саудагерлердің денсаулығына алаңдаған ақ халаттылар оларды іздеп базарға барды. Айтуларынша, бар уақытын саудаға арнаған азаматтар дәрігерге қаралуды мүлдем қойған.
Автор: Аруна Ортай
20.07.2017
Ал ауруханаға тек ауруы әбден асқынғанда ғана келеді екен. Осы олқылықтың орнын толтыру үшін дәрігерлердің енді өздері оларды іздеп базарға барды. Сауда орталығынан кішігірім бөлме ашып, сатушыларды тегін тексерілуге шақырды. Бала-шаға қамы деп дәрігерге қаралуға қолы тие бермейтін қауым қуана қан тапсырып, жүрек қағысын да өлшеп алды. Сөйтсе, көбінің бүйрегі ауырады екен. Біразына суық тиген. Қаназдық дертіне шалдыққандар да бар болып шықты. Дәрігерлер алысқа бармай, көмекті сол арада көрсетті.
Әйгерім Сұлтанбекова, Алматы қаласының тұрғыны:
-Тексерілуге уақыттары жоқ. Барғысы келмейді. «Қойшы, кейін қараламыз» деп. Сонымен аурулары асқынып шығады. Енді осы келгендері жақсы болды. Тексеріліп, қаралып аламыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
