Бағдаршамның қызыл түсін елемеген әйел бес адамды қағып кетті

Алматыда 5 бірдей жаяу жүргіншіні көлік қағып кетті. Ал оқиға орнына бірден 4 жедел жәрдем көлігі жіберілді. Зардап шеккендердің екеуі жас балалар. Көлік тізгіндеген әйел жаяуларды көрмей қалдым деп отыр. Жол апаты тапа-тал түсте болған. Оқиға куәгерлерінің айтуынша, Subaru  бағдаршамның қызыл жарығына өтіп кеткен. Сөйтіп, жолдан дұрыс өтіп бара жатқан жаяуларды қаққан. Ал автокөлік иесінің айтуынша, көзі күнге шағылысып, соның әсерінен адамдарды көрмей қалыпты. Зардап шеккендердің екеуі қазір ауыр халде ауруханада жатыр. Полиция оқиғаның мән-жайын анықтауда.