Қарағанды облысында әкім орынбасары парамен ұсталды

Қарағанды облысында тағы бір шенеунік қамауға алынды! Бұл жолы Абай ауданы әкімінің орынбасары ірі көлемде пара алып жатқан жерінен ұсталған. Атқамінер жалпы сомасы 1 жарым миллион теңгені жеке компаниядан талап етіпті. Ол осынша қаржыны бір құжатқа қол қою үшін алып жатқан. Яғни, мердігердің мемлекеттік бағдарлама бойынша орындаған жұмыстар актісіне өз қолтаңбасын қойып беруі тиіс болыпты. Бірақ шенеуніктің арам пиғылы жүзеге асқан жоқ. Қазір әкім орынбасары уақытша ұстау қапасында отыр. Оған қатысты сотқа дейінгі тергеу амалдары жүргізілуде.