Балалар тәттісінің ішінен героин шықты

Kinder Surprise-ден шыққан «сюрприз» үшін астананың екі тұрғыны бірнеше жылға сотталуы мүмкін. Өйткені полицейлер олардың қолындағы балаларға арналған тәттінің ішінен ойыншық емес, героин тауып алған. Мұны есірткі саудалайтын әйелдер пәтерінде жасырған екен. Оны полиция қызметкерлері иісшіл иттің көмегімен тауып алды. Тәркіленген героиннің 50 дозасы киндер сюрприздің ойыншығы тұратын ыдысқа салынған екен. Ал, ұсталғандар – 43 және 51 жастағы астаналық әйелдер. Екеуі де бұған дейін есірткі сатқаны үшін сотталған.