Асылжан Жампозов, Өмірбек Жампозовтың ұлы:

-Істің өліміне қатысты қысқартылуына келіспеймін. Әкемді толық ақтап шығамын. Өйткені ол ешқандай кінәсіз, осындай шараға мәжбүрлеткені сол кінәсіздігі әкемнің. Толық ақтап шығуға барлық күшімді саламын.

Марқұмның туыстары  40-тан астам томға арқау болған қылмыстық іспен танысу үшін судьядан бір апта уақыт сұрады. Соған байланысты  Жампозовқа қатысты сот 9-шы тамызда жалғасатын болды. Марқұм Өмірбек Жампозов «ҚазСуШарды» басқарған кезінде  су торабын жөндеуге бөлінген  620  миллион теңгені сыбайластарымен бірге жымқырды деп  айыпталған. Оның қарамағындағы бес қызметкер де сот алдында жауап беруде. Жампозов тура үкім шығатын күні  мылтықпен прокурор мен полицейге оқ жаудырып, кейін өзі атылып өлді. Қазір құқық қоғау органдарының қос қызметкері ауруханада жатыр.  Ішкі істер министрлігі  «өзіне қол жұмсауға мәжбүрледі» деген бап бойынша іс қозғады. Ал Ақмола облыстық  прокуратурасы  жараланған прокурорға қатысты қызметтік  тексеру жүргізіп жатыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!