Араб елінде тағы бір отандасымыз жоғалды

Біздің дипломаттар тағы бір араб елі – Бахрейнде де отандасымызды іздеуге кірісті. Сыртқы істер министрлігіне бүгін астаналық Тагина Хайтметованың ата-анасы көмек сұрап хабарласқан. 24 жастағы қыз  Бахрейнге табыс іздеп барып, хабарсыз кетіпті. Ол шілденің 27-сі күні Астанадан Дубайға ұшып, Бахрейнге жеткен. Соңғы рет 29-шы шілдеде ата-анасымен хабарласып, қонақ үйге жұмысқа тұрғанын айтқан екен. Содан бері хабар жоқ. Ішдеу шараларына енді дипломаттарымыз да кірісіп жатыр.