-Жалпы осы енді. Дым жағдай жоқ. Вертолетпен. Басқа не бар, енді?

Ғаламторға жарияланған видеода ұзын-сонар кортежден бөлек, 4-5 метр биіктікте тікұшақ ұшып жүр. Бірінің артына бірі тізілген темір тұлпарлар өңкей қымбат маркалы. Соған қарағанда, той иелері ақшаны аямағанға ұқсайды. Жалпы жас жұбайлардың күре жолда самсаған көлікпен сайран сап түзеп жүруі үйреншікті көрініс. Ал, мұндай жағдай елімізде бірінші рет болып отыр. Элиталық кортеж Батыс Қытай – Батыс Еуропа тас жолында жүрген. Ал көліктердің «13-ші» аймақтан екені мемлекеттік нөмірінен көрініп тұр. Белгілі болғаны, ғашықтар тікұшақты жергілікті мұнай компаниясынан 275 мың теңгеге жарты сағатқа жалдап алған екен. Тойда болғандардың айтуынша, үйленген жігіт «бай да емес, байдың баласы да емес. Тек қарапайым суретке түсірумен айналысатын жігіт». Бұл туралы белгілі әнші Бағлан Әбдірайымов әлеуметтік желіде жазып, жас жұбайлармен түскен селфиін салған. Десе де, бұл жағдайды қазір тәртіп сақшылары тексеріп жатыр.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!