Яғни орталықтың маманы керекті анықтамалар жинайды, сіздің атыңыздан өтініш береді, керек болса көлігіңіздің құжаттарын да тас-түйін етіп дайындап, көрсетілген мекен-жайыңызға жібереді. Сондай-ақ ақылы қызметпен сатып алу келісім-шарттарын сенімхатсыз-ақ жасау мүмкін болып отыр. Бұл тізім алда кеңейе бермек. Азаматтар жеке менеджермен телефон немесе мессенджерлер арқылы үйден шықпай-ақ байланыспақ. Бұндай қызмет Астана мен Алматы қалалары және өңірлердің 37 офисында іске қосылды. Менеджердің қызмет ақысы істеген жұмысының күрделілігіне байланысты тағайындалады.

Ерлан Шүренов, ХҚО қызметін үйлестіру департаментінің директоры:

-Егер қаласаңыз, менеджермен телефон арқылы хабарласып, оны мекен-жайыңызға шақыртып аласыз. Ол Халыққа қызмет көрсету орталығы болуы шарт емес. Мысалы офисіңіз немесе үйіңізге шыққан менеджер келісім-шарт жасайды, кассаға төлем түскен соң қызметіне кіріседі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!