Бұл қаланың қақ ортасында орналасқан ең ескі тұрғын үйлердің бірі. 2013 жылы мемлекеттік бағдарлама бойынша сүрүлуі тиіс болған. Бірақ әлі күнге бұнда адамдар тұрады. Светлана Вострикова әкімдік қызметкерлерімен үш жылдан бері соттасып жүргендердердің бірі. Ол ақ жағалалылар өз үйімнен заңсыз қуып шыққысы келді деп отыр.

Светлана Вострикова, Алматы қаласының тұрғыны:

-Үйлерің сүріледі деді да, суымыз бен жарығымызды кесіп тастады. Адамдардың барлығы амалсыз олардың берген сапасыз, сылағы түсіп жатқан үйіне көшті. Мен неге онда баруым керек. Берген ақшалары ештеңеге жетпейді. Сексеннен асқан әкем бар. Біз соңына дейін барамыз.

Үш жылдан астам адам төзгісіз жағдайда тұрғаны үшін Светлана енді әкімдіктен маралдық-материалдық шығын да талап етпек. Ескі болса да үйімізден кетпейміз деп отырған тек Светлана емес. Гоголь мен Шәріпов көшелерінің қиылысындағы мына үйдің тұрғындарының барлығы дерлік баспаналары сүрілетін ғимараттар тізімінде екенін білгенде төбеден жай түскендей жәй кештік дейді. 

Елена Шаяхметова, Алматы қаласының тұрғыны:

-Біз бұл бағдарламаны қарадық. Әрине жақсы үй береміз, жағдайларыңды жасаймыз дейді. Бірақ бұған дейін салынған үйлердің бәрі нашар. Сылақтары құлап, жарықшалар пайда болып жатыр. Жүз жыл тұрса да мына үйдің сапасы жүз есе артық қазіргілерден.  

Қала тұрғындарының алаңдауы да бекер емес. Алматы әкімінің өзі ескі үйлердің орнына салынып жатқан ғимараттардың сапасы сын көтермейтінін айтқан. Ал құрылысшылар барлығына бірдей жағу мүмкін емес деп отыр. Алайда, әкімдік қызметкерлері ешкімді мәжбірлемейміз. Тек түсіндіру жұмыстарын жүргіземіз. Көшу-көшпеу жағын өздері шешеді дейді.

Асқар Мапаев, құрылыс мекемесінің директоры:

- Халықпен жұмыс істеу әрқашан қиын ғой. Бәріне жағу мүмкін емес. Шамамыз келгенше түсіндіріп жатырмыз. Олар тұрып жатқан үй қауіпті. Құлап кетсе өздеріне жаман болады. Сол үшін жаңа үйлерге көшіндер деп түсіндіріп жатырмыз.

Орталықта тұратындар мемлекеттік бағдарламаға жаппай қарсылық танытып үйімізден кетпейміз деп жатса, Түрксіб ауданының тұрғындары бүгін көшуге дайын.

Ольга Пенкина, Алматы қаласының тұрғыны:

-Осы үйдің тұрғындары қашан сүреді екен деп күтіп жүр. Үйткені мына жерде тұру мүмкін емес. Әбден ескірген. Бір жерін жамасаң екіншісі құлап жатады. Қорқатын бірақ нәрсе бар, үйдің көлемін кішірейтін жібермей дәл осындай екі бөлме берсе екен.

Алматы қаласы тұрғын үйлерді жаңғырту бағдарламасы бойынша 2012-2015 жылдары 48 үй сүіріліп орнына 51 үй салынса, 2024 жылға дейін тағы мыңнан астам үй сүіріліп орнына жаңасы салынбақ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!