Нұрсұлтан Назарбаев негізссіз халықтың шамына тиюден аулақ болуды талап етті
Әсіресе, құқық қорғау органдарынан. Бүгін кабинетіне Ұлттық қауіпсіздік комитеті, Бас прокурор, Жоғары сот төрағасы мен Ішкі істер министрін шақыртқан президент олардан жеке-жеке есеп алды.
Автор: Жәудір Оразхан
09.08.2017
Елбасыны ең алдымен қылмыстық істерді қарау кезінде заңды белден басу деректері алаңдатып отыр. Сондықтан, мемлекет басшысы адамдардың құқығының аяқ асты етілмеуін қадағалауға пәрмен берді. Ал сотқа дейінгі істерге бақылау күшейтілетін болды. Тергеу амалдары да барынша жеңілдетілмек. Сонымен қатар қылмыстық істі тергеп, қарайтын полиция, сот пен прокурорлардың негізгі құзыреті қайта нақтыланбақ. Міндеттері бөлінеді. Бұған жауаптыларды тегіс Ақордаға шақырып, өзара кеңескен президент ауқымды реформаны жедел бітіруге де тапсырма берді.
Нұрсұлтан Назарбаев, Қазақстан Республикасының Президенті:
-Осы жылдардың ішінде экономиканы модернизациялау жөнінде көп шаруалар іске асырылды. Соның ішіндегі ылғи айтып келе жатқанымыз – құқық қорғау мәселесі. Адамдардың құқығын қорғау. Жұмыс барысында барлық біздің органдар бірігіп халықтың наразылығын тудырмайтындай заң бойынша жұмыс істеу керек. Тексеру мәселесін жеңілдетіп, бірақ заң шеңберінде жұмыс сітеуіміз керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
