Алматыда зейнет жасындағы әжелер троллейбус итеріп, жұртты таң қалдырды

Кейіннен анықталғандай қариялар осылайша қоғамдық көлік жүргізушісіне көмектеспекші болыпты. Желіде қызу талқыға түсіп елді күлкіге қарық қылған видео осы. Оқиға Алматыдағы Қабанбай батыр көшесінде болған. Ал троллейбустың жолдың қақ ортасында тұрып қалуына дұрыс қойылмаған басқа көліктер себеп екен. Сөйтіп, оларды айналып өту үшін тоқтан ажыратып, салондағы жолаушылардан көмек сұрауға тура келген. Онда да жастар табылмай, тек зейнаткерлер көмек қолын созыпты.