Біраз уақыттан бері саяси дағдарысқа ұшыраған Венесуэланың экономикасы да оңбай құлдырап жатыр. Ұлттық валютасы құнсызданып, әрі экономикалық қыспақ салдарынан қарапайым халық ішер асқа зар болып жүр. Импортқа тәуелді елдің азық-түлікті сатып алуға ақшалары жетер емес. 

Халық жиі тұтынатын тауарларды алу үшін дүкендерде күндіз-түні ұзын-сонар кезек. Оған қоса, дәрі-дәрмек жеткізілімінің көлемі де айтарлықтай азайған. Тіпті ашқұрсақ ел азаматтары ішіп-жемді қоқыс жәшіктерінен іздейтін болыпты. Экономистердің айтуынша, Оңтүстік Америкада орналасқан мемлекет соңғы 10 жылда болмаған дағдарысты бастан кешіруде. Мамандар: «Бұл - мемлекетке қарсы жарияланған соғыстың салдары»,- деп отыр.

Каракас тұрғыны:

-Президент Мадураның өтірік айта беруінен жалықтым! Біздің үйге келіп, тоңазытқышымызды ашып, қалай өмір сүріп жатқанымызды көрсін! 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!