Жергілікті ақпарат құралдарының хабарлауынша, заң қырына іліккен Гүленнің жақтастары қауіпсіз әрі дербес мобильді қосымшаны пайдаланғаны үшін ұсталған. Өйткені, Гүленмен байланысы бар үкіметтік емес ұйымның басшысы Танер Қылыштың осы бағдарламаны жүктеп алып, хабар алмасқаны белгілі болды. Алайда биліктің айғақ ретінде келтіретін дәйектері жоқ. Қазір полицейлер күдіктілердің үйін тінтіп жүр. Еске салсақ, өткен жылдың шілде айында әскерилер елде төңкеріс жасамақ болған. Алайда бүлікшілер діттегендеріне қол жеткізе алмады. Текетірес кезінде 300-ге жуық адам қаза тауып, мың жарым тұрғын жараланды. Дүрбелеңге қатысы бар делінген 9 мыңға тарта азамат ұсталған болатын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!