Бас мұғалімнің сөзіне сенсек, ата-аналар берілетін гранттың санын ескермей, экономист, заңгер сияқты мамандыққа жапа тармағай құжат тапсырады. Мәселен, биыл програмистер дайындауға 610 грант бөлінсе, заңгерге небары 45 тегін орын бар. Жалпы медицинаға 2500 грант, сұранысқа ие тіс дәрігеріне 45-ақ грант қарастырылыпты. Биыл 32 мың грантты сауатты бөле алмай, кейін тізімді қайта қарауға мәжбүр болған Білім министрі дауды шешудің бір жолын тауыпты. Ол еңбек нарығына тапшы мамандықтар тізімін үш жылға бірден бекітіп, бюджеттен ақша бөлгізу. Сонда талапкерлердің қандай мамандыққа түсуге ойлануға уақыты болады. Алайда, Сағадиевтің жоспары әзірге сөз жүзінде ғана.

Ерлан Сағадиев, ҚР Білім және ғылым министрі:

-Басымдық берілетін мамандықтардың гранттар тізімі кеш жарияланады. Бізде министрліктер мен әкімдіктерден кадр тапшылығы бойынша ақпарат жинау жүйесі тым күрделі. Талапкер қысқа мерзімді өз мүмкіндіктерін бағамдап, профильді пән таңдап та үлгермейді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!