Бұл байқауға қатысуға 12-17 жас аралығында 2000 бала ниет білдірген екен. Алайда 3 номинация бойынша тек 18 дарынды таңдап алу керек. Іріктеуден өткен  кішкентай жұлдыздар үлкен сахнада эстрада жұлдыздарымен бірге  өнер көрсетіп, өнер шеберлерінен сабақ ала алады. Мұнымен қоса ЮНЕСКО-ның Париж қаласындағы штаб-пәтрінде өтетін гала-концертке шақырылады. Қазылар алқасындағылар 2000 баланың ішінен тек 18-ін таңдап алу өте қиын дейді.

Георгий Югай, қазылар алқасының мүшесі:

-Әрине, әр баланың дарыны ерекше.  Кейбіреулері ысылған. Басқасы сахнаға жаңа шығып жатқаны бар.  

Байқау алғаш өткізілген кезде қазылар алқасы облыстарға барып іріктеу кезендерін өткізген болатын. Алайда, осы жылы өтініштерді ғаламтор арқылы онлайн түрде қабылдапты. Байқауға қатысуға ұсыныстар үш ай ішінде қабылданған екен. Енді міне іріктеу кезеңі өтуде. Ұйымдастырушылар алыс аймақтағы ауылдарға ерекше көңіл бөліп отыр екен.

Бақытгүл Көбеева, ЮНЕСКО Клубының маманы:

 - Алматы Астана  үлкен қала болғандықтан мүмкіндіктер көп. Басқа  ауылдарда елді мекендерде орналасқан балалар мұндай мүмкіндік бар екенін біле бермейді,ақпарат уақытында жетпейді. Біздің мақсатымыз шеттен келген дарынды балаларды шығару оларға осындай үлкен мүмкіндіктер бар екенін көрсету .

Елімізде мұндай байқау ұйымдастыру туралы ұсынысты ЮНЕСКО клубы айтқан. Оны Тұңғыш президент қоры  қолдап, осылайша іске асып жатыр.   

Бізді Youtubе-та қараңыз! Бізді Facebook-та, Instagram-да, Telegram-да оқыңыз!