Маңғыстау облысында мұнайшыларды жұмысқа апара жатқан автобус өртенді

Ішінде 45 адам болған көлік Ақтау-Қаражанбас тас жолында отқа оранған.  Қызыл жалын автобустың артқы жағында орналасқан қозғалтқыштан тұтаныпты. Ішіндегі адамдар тез арада сыртқа шығып үлгеріп, ешкім зардап шеккен жоқ. Автобус жүргізушісі мен мұнайшылар тілсіз жаумен өз күшімен күресіп көрген. Бірақ онысынан еш нәтиже шықпады. Тек оқиға орнына келген өрт сөндірушілер 20 минутта тілсіз жауды ауыздықтай алған. Ал мұнайшылар өзге автобустармен жұмыс орнына жетті.