Зардап шегушілердің бәрі қаржы пирамидасының шырмауына ғаламтор арқылы түскен. Солардың бірі алғашқыда компанияның өкіліне 3 мың доллар беріп, оны 2 есе етіп қайтарып алған соң, 75 мың долларды ұстата салыпты. Әзірге сол адам ғана құзырлы орынға шағым түсірген. Ал жұрттың жиған-тергенін алып, ұшты-күйлі жоғалған азамат өзін Павел Крымов деп таныстырыпты. Сөйтсек, «Questra World» пен «Atlantik Global-дың» бұл өкілі тек біздің отандастарымыз емес, талай ресейлікті сан соқтырған екен. Ал, қос компанияның жарнамасы ғаламторда әлі тұр. Аңқау жұрт оған сәт сайын тіркеліп жатыр. Қазір полицейлер алаяқты жер-жерден іздестіруде. 

Салтанат Әзірбек, Алматы қалалық ІІД ресми өкілі:

- Questra және Atlantic фирмасының өкілімін деп өзін таныстырған Крымов бүкіл әлем бойынша мұндай қылмыстар жасауы мүмкін. Қазіргі таңда оның қай жерде екені белгісіз. Бірақ іздестіру жұмыстары жүргізілуде. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!