Алматыда түрік тағамын пісіретін дәмханалардың бірі өртеніп кеткен

Түнгі 3-те тұтанған от электр сымының қысқа тұйықталуынан шыққан деген болжам бар. Дөнерхананың өртеніп жатқан сәтін куәгерлер видеоға түсіріп алыпты. Одан жалынның қатты болғаны көрініп тұр. Сондықтан оқиға орнына 6 бірдей өрт сөндіру көлігі жіберілген. Сонда да қызыл жалын 200 шаршы метр аумақты күлге айналдырды. Өрт шарпыған аумақтың бұдан да көп болуы мүмкін еді. Қайта, құтқарушылар дөнерханадағы 5 үлкен газ баллонын дер кезінде далаға шығарған. Өрттен зардап шеккендер жоқ. Ал, төтеншеліктер оқиғаның нақты себебін анықтап жатыр.