Флорида штатының шығыс жағалауындағы қалалар құдды «Венецияға» айналғандай. Көшелерді белуардан келетін су басқан. Көпшілік көліктерін тастап қайыққа отырған. Осы аумақта үш күн бойына үйірілген «Ирмадан» келген шығында есеп жоқ. Сағатына 210 шақырым жылдамдықпен ұйытқыған желдің жылдамдығы 175-ке дейін түскенмен, синоптиктер қауіп әлі сейілмегенін айтады. Штатты шайқаған дауылдың бесінші деңгейлі қатты соққысы мұнда алғаш рет тіркеліп отыр. Осыдан екі апта бұрын Американың Техас штаты да Харви дауылының астында қалған. Дауылдың бағыты енді Флорида штатының батыс жағалауына ауысыпты. Айта кетейік, мамандар «Ирманың» ізінше «Хосе» дауылы да келе жатыр деп дабыл қағуда

Бізді Youtubе-та қараңыз! Бізді Facebook-та, Instagram-да, Telegram-да оқыңыз!