Сұмдық: Маңғыстау облысында жол апатынан бүтін бір отбасының 7 мүшесі қырылып қалды

Олар мінген жеңіл көлік жол жиегіндегі кірпіш қоршауға соғылған. Содан 35 жастағы жүргізуші, оның ағасы мен қос әпкесі және 11,16 жастағы жасөспірімдер оқиға орнында тіл тартпай кетті. Қатты соққыдан оңбай мыжылған көліктен мәйіттерді шығару үшін құтқарушыларға арнайы құрылғы пайдалануға да тура келді. Болжам бойынша, апатқа жеңіл машина доңғалағының аяқасты жарылуы себеп болған. Содан жүргізуші рөлге ие бола алмай қалыпты. Анықталғандай, марқұмдар тойдан қайтып келе жатқан екен.