Оқиға, дәл осы 5 қабатты жатаханада болды. Аяқ астынан ұстамасы ұстап қалған науқас келіншек алғашында бөлмесінің терезесін сындыра бастаған. Сол сәтте көршілері сабырға шақырып, полиция қызыметкерлеріне хабар беріпті. Алайда, құтқарушылар жедел жеткенімен, бүлдіршінге көмек көрсетіп үлгермеген. Олар бөлмесінің есігін бұзып кіргенше, әйел 3 жастағы Богданды терезеден лақтырып жіберіпті.

Руслан Әбдіраймов, көршісі:

- Баланы әкетіп бара жатқан кезде шешесін іздепті. "Мамам, қайда?" деп айқайлаған.

Бүлдіршін ауыр хәлде ауруханаға жеткізілді. Алғашында ес-түссіз күйде болған. Дегенмен, дәрігерлер дәл қазір оның өміріне қауіп төніп тұрған жоқ дейді. Бірақ алған жарақаттары өте көп екен.

Марат Әубәкіров, Семей қаласы ММУ медицина орталығы балалар хирургиясы бөлімінің меңгерушісі:

-Бас жарақаты. Мидың шайқалуы. Одан кейін, оң жақ сан сүйегінің ашық сынуы. Сонымен қатар іштің жабық жарақаты. Оң жақ бүйректің соғылуы. Осындай диагноз қойылды.

Жұрттың алдында баласын терезеден лақтырған ана да бірден психоневрологиялық диспансерге жөнелтілген. Ондағылар бұл әйелдің 2015 жылдан бері тіркеуде тұрғанын жеткізді. Ауруханаға түскен ол әлі есін жинамапты. Қазір, полиция қызыметкерлері оған қатысты қылмыстық іс қозғаған. Енді келіншек баланы өлтірмекке оқталғаны үшін жауапқа тартылуы мүмкін. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!