Солтүстік Қазақстан облысындағы курсант өлімінен кейін әскери институттың бес қызметкері жұмыстан босатылды

Білім ордасының тәрбие, әлеуметтік-құқық бойынша басшының орынбасары, үшінші, алтыншы батальон мен оқу роталарындағы командирлер осы тізімге іліккен. Қыркүйектің жетісінде екі курсант арасында кикілжің туып, пышақтасып, ақыр соңы біреуі қаза тапқан. Қылмыстық кодекстің 106 бабы бойынша іс қозғалды. Қазіргі уақытта күдікті ретінде қамауға алынған 19 жастағы азаматқа қатысты тергеу амалдары жалғасып жатыр.