Павлодарда жарты тонна марихуана сатпақ болған үш азамат ұсталды

Оның қара базардағы құны 30 миллион теңгеден асып жығылады. Есірткі тасымалдаумен айналысқан бұл азаматтарды ұстау үшін полицейлерге әжептәуір тер төгуге тура келген. Ақыры қолға түскен күдіктілерден қап пен қораптарға салынған 500 келі марихуана мен тағы бірнеше келі гашиш тәркіленді. Оларды облыс аумағында саудаламақ болғандардың қазір тауарды қандай жолмен жеткізіп келгені де анықталуда. Қолға түскен 30, 40 және 50 жастағы азаматтар бұған дейін істі болмаған. Енді үшеуі де қамауда отыр.