Батыс Қазақстан облысында жанармай бекеті жарылып кете жаздады

Станцияның дәл жанында алапат өрт шығып, бензин толы бекетке жетуіне аз қалған. Ал тілсіз жау жанармай бекетінің тура түбінде тұрған «Газель» көлігінде тұтаныпты. Алыстан будақтаған қара түтінді көріп, жүргізушілердің бекетке жақындауға жүрегі дауламаған. Абырой болғанда, жалын резервуарға жеткен жоқ. Кейін белгілі болғандай, өртенген көлік бекет қызметшісіне тиесілі екен. Ал оттың тұтануына не себеп болғаны әзірге белгісіз. Өрт сөндірушілер әзірге техникалық ақауды ғана алға тартып отыр.