Қала іргесіндегі елу қорымның күтімі үшін аукционды жалғыз компания ұтыпты. Тексерушілердің айтуынша, олардың өзге кәсіпкерлерді зират маңына жолатпай, өз қызметтерін ғана тықпалауы заңға қайшы. Ең қызығы бюджет туралы заңға сәйкес кез-келген адамды жерлеуге алты шаршы метр жер тегін берілуі тиіс. Ал сол қорымды қарау әкімдіктің мойнында. Сондықтан ақтөбелік шенеуніктердің тендер ойнатуына не түрткі болғаны белгісіз. Бұған дейін Қурайлы тұрғандары ауыл іргесіндегі қос қорымның жекенің қолына өтуіне қарсылықтарын білдірген болатын. Өйткені, зират маңындағы жерді жалға алған компания адам жерлеу үшін жиырма мың  теңгеден жүз мың теңгеге дейін ақы сұраған-ды.

Сағындық Ерғалиев, Ақтөбе облыстық табиғи монополияларды реттеу және бәсекелестікті қорғау департаменті басшысының орынбасары:

-Әкімдіктің қорымды сенімхатпен беру әрекеті компаниялар арасындағы бәсекелестікті тежейді. Монополияға қарсы заңды бұзатындықтарын көріп отырмыз. Сондықтан әкімдіккке алдын-ала ескерту жолдадық. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!