Мұнай бағасы соңғы 2 жылда болмаған рекордтық көрсеткішке жетті!

Әлемдік нарықтағы қара алтынның құны қарқынды көтеріліп жатыр. Мәселен, Brent маркалы мұнайдың бағасы 59 доллардан асты. Ол мұндай бағаға 2015 жылдың шілдесінен бастап көтерілмеген. Ал, WTI маркалы қара алтынның баррелі 52 доллардан сатылуда. Экономистер жағдайға ОПЕК-тің мұнай өндірісін қысқарту туралы шешімі оң әсер еткен деп отыр. Айта кетсек, мұнайды сыртқа шығарушы елдер ұйымы мұндай байламға өткен жылдың соңында келген болатын. Ал, мамырда оның уақыты келесі жылдың наурызына дейін ұзартылды.