Ал, баллистикалық зымырандардың төбемізден ұшып өтуі еліміздің аумағына титтей де зиян тигізбейтін көрінеді. Сондықтан байбалам салудың қажеті жоқ, - дейді министрліктегілер. Дегенмен, зымырандарын зуылдатып, алып елдердің аспанын астан-кестен қылып отырған Солтүстік Корея президенті Ким Чен Ын секілді Ресейдің баллистикалық зымыранының қазақтың төбесінен жиі ұшуы - жақсылықтың белгісі емес секілді. Айта кетейік, тұрғындардың ойын сан-саққа жүгірткен құбылыс кеше түнге қарай болды. Аспанда аяқ астынан жарқыраған шар пайда болып, аз уақыттан соң қара түнекке сіңіп жоғалған еді. Осыған байланысты жұрт арасында түсінбеушілік туындаған болатын. Сөйтсек, Ресейдің Капустин ярынан ұшырылған зымыран еліміздегі Сарышағанға жетіпті. Ал, Бетпақдаладағы біздің әскери полигонды Ресейдің Қорғаныс министрлігі 1996 жылдан бері жалға алып отыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!