Жапонияда Парламенттің төменгі палатасы таратылды

Өйткені, елдің қазіргі премьер-министрі мерзімінен бұрын сайлау өткізуді жоспарлап отыр. Ал, парламенттегі саяси дода қазанның 22-сінде өтпек. Десе де, оппозиция өкілдері Синдзо Абэнің мұндай шешімі мен император жарлығына қарсы шығып жатыр. Олар премьер-министрді төменгі палатаны тарату арқылы өзіне қажетсіз адамдардан құтылмақ деп айыптайды. Сондықтан, саяси оқиғаға қарсылықтарын білдіру үшін бүгін олар осы шешім жарияланған отырысқа қатысудан бас тартты.