-Қайырлы күн Ерланби! Иә, санитарлық авиация оларды алып келу үшін  3-4 сағат бұрын Анталияға ақыры ұшып шықты. Болжам бойынша қазір жетіп қалуы тиіс.

Ал, Денсаулық сақтау министрлігі мұндай әуе қызметі мемлекет үшін 16 миллион теңге шамасында екенін айтады. Бірақ, Үкімет барлық шығынды өз мойнына алып отыр. Бір айта кетерлігі алғашқыда науқастарды Алматыға алып келеді дегенмен, санитарлық авиация енді Астанаға қонатын болыпты.

АЛЕКСЕЙ ЦОЙ, ҚР ДЕНСАУЛЫҚ САҚТАУ ВИЦЕ-МИНИСТРІ:

- Біз оларды Астанаға алып келеміз. Өйткені, үш науқастың жарақаттары ауыр. Оларды осында мықты дәрігерлер емдейтін болады. Көрсетілетін көмектің барлығы тегін.

- Досжан, зардап шеккендердің барлығы Алматы облысының тумалары. Оларды Астанаға апаруға ата-аналары қарсы емес пе?

–Иә, Ерланби дұрыс айтасыз. Шенеуніктердің мұндай шешімі туыстарының түсінбестігін туғызып жатыр. Айтуларынша, ауыр жараланған ұл-қыздарын Алматылық дәрігерлер де емдей алады. Оның үстіне Талдықорған тұрғындары үшін Астанаға жету де қиынға соғып тұр екен. Қазір ғана Анталияда жатқан жерлесіміз Асыл Сағындықованың анасымен телефон арқылы сұхбаттастық. Соның үзіндісін бірге тыңдап көрейік.

Сәуле Сағындықова, А.Сағындықованың анасы:

-Біз енді ата-ана болған соң, Алматыға келгенін сұрап жатырмыз. Алыс қой бізге Астана. Жақсы қала бәрі жақсы. Бірақ, алыс қой. Бәріміз сұрап жатырмыз. Бірақ, біз не шешеміз? Ештеңе шеше алмаймыз ғой.

-Түсінікті, Досжан. Ал, төрт отандасымыз елге қашан оралады? Уақыты белгілі болды ма?

Иа, уақыты белгілі. Болжам бойынша 4 жерлесіміз: Айдын Байқұрманов, Нұрсұлтан Орынбасаров пен Алмагүл Нұрасылова және Асыл Сағындықова біздің уақытпен түнгі он жарымда келеді деп күтілуде. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!