Ақтауда 9-шы қабаттан секіріп кеткен қызды төменде тұратын көршісі қағып алды

Секіріп өлмек болған 18-дегі қыз екен. Абырой болғанда, оны төменгі қабатта тұратын көршісі байқап қалып, балконынан қағып алды. Болжам бойынша, бойжеткенді мұндай қадамға баянсыз махаббат итермелеген. Ал болған жайтты көшедегі кездейсоқ куәгерлер ұялы телефонға түсіріп алыпты. Өрімдей қызды өлімнен арашалап қалған ақтаулық жігіттің әрекеті көпшілікті тәнті етті. Ризашылығын білдірген жұрт енді оның аты-жөнін білгісі келеді.