Ақмола облысында екі көліктің бетпе-бет соғысуы салдарынан бүтін бір отбасы ажал құшты

Жалпы 7 адам қаза тапқан. Джип қарсы жолға шығып кеткен екен. Сөйтіп, Жигулиге бетпе-бет келіп қалған. Олардың қатты соқтығысқаны сонша, екі көліктің де сау тамтығы жоқ. Жигулиде жүргізуші әйелімен және кішкентай екі қызымен отырған. Осы бір отбасының ешқайсысы тірі қалған жоқ. Сондай-ақ, қастарындағы тағы екі әйел мен Митсубишидегі бір жолаушы қаза тапты. Джипте болған тағы бір жолаушы Атбасардағы ауруханаға жеткізілген. Қазір жол апатына себепкер болған Митсубишидің жүргізушісі қамауға алынды.