Мемлекеттік қызмет істері агенттігі шенеуніктердің неліктен жаппай емтиханнан сүрінгенін түсіндірді
Екі күн бұрын «А» корпусына тестілеу кезінде кандидаттардың 85 пайызы тіпті, төменгі межеден өте алмай қалған еді.
09.10.2017
АЙГҮЛ ШАИМОВА, ҚР МЕМЛЕКЕТТІК ҚЫЗМЕТ ІСТЕРІ ЖӘНЕ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ ТӨРАҒАСЫНЫҢ ОРЫНБАСАРЫ
-Біз зерттеп көрдік. Сынақтан өте алмаудың бірнеше себебі болуы мүмкін. Яғни, бұрын шенеуніктер 7 заң бойынша тест тапсырса, қазір күрделене түсіп, 11 заң бойынша тапсырады. Оның үстіне қазір бақылау күшейтілді.
Биыл «А» корпусына өту үшін 600-ден астам үміткерден өтініш түскен. Оның 80-і комитет төрағасы қызметіне, қалғаны аудан әкімі қызметіне. Бірақ, шенеуніктердің небары 15 пайызы ғана қажетті межеден өтіп, қалғаны сынақтан сүрінген. Мұны кейбірі тест сұрақтарының түсініксіз болғанымен түсіндіріп отыр. Бірақ, агенттіктегілер түсініксіз сауалдың жоқ болғанын айтады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
