Қазақстан-Қырғызстан шекарасында кешеден бері иін тірескен кезек

Жолаушылар да, көліктер де арғы бетке өту үшін сағаттап уақыттарын сарп етті. Қырғызстанның мемлекеттік шекара қызметінің мәліметінше, кедендегі бақылау сайлаудың өтуіне байланысты күшейтілген. Бірақ, ешқандай шектеу қойылған жоқ деп сендірді. Қырғыз тарапы уақытша қолайсыздықты түсіністікпен қабылдауды сұрап отыр. Шекарадағы қарбалас негізінен таңғы және кешкі уақытта болады екен.