Оқыс оқиғадан соң әуежай іле-шала жабылды. Әне-міне жолға шыққалы жатқан Алматы және Ақтау қалаларына рейстер тоқтатылып, жолаушылары түні бойы әуежайдың ішінде күтіп отырған. Тек таңға жуық ұшып кету мүмкін болды. Шассиі істемей қалған "Super King Air 350" жолаушылар ұшағы екен. Ал апатты жағдайға қатысты «Air Control» компаниясының берген түсініктемесі, тіпті, күлкілі. Айтуларынша, терезесіне құс соғылып, салдарынан ұшақтың дөңгелегі шықпай қалыпты. Жалпы, экипаж мүшесі 3 адам болған. Екі пилот пен техник. Бәрі аман.  Естеріңізге салсақ, осы айдың басында ғана Алматы облысында санавиация ұшағы құлап, 5 бірдей адам қаза тапқан болатын. Апаттың себептері әлі анықталған жоқ.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!