Теңге күн өткен сайын нығайып келеді!

Кеше елімізде 1 доллар 337,80 теңгеден сатылса, бүгін тағы 2 теңгеге арзандаған. Таңғы сауда-саттықтың қорытындысына сәйкес доллар бағасы 335,32 теңгеге теңесті. Қазір ақша айырбастау пунктерінде АҚШ  валютасы 335,5 және 339,9 теңге аралығында сатылып жатыр. Бұған дейін доллардың құны 345 теңгеге дейін жетіп, ел іші бір дүрлігіп алған еді. Енді күн санап күшейген ұлттық валютамыздың жағдайы Brent маркалы мұнайдың бағасы артқан сайын жақсара бермек. Себебі, бүгін осы мұнайдың баррелі 1 долларға қымбаттап, 56,70 долларға жетіп отыр.