ОҚО-да әкім парамен ұсталды
Кентау қаласы әкімінің орынбасары Берік Қынатов 3 жарым миллион теңге пара алып жатқан жерінен ұсталды. Оңтүстік Қазақстандағы моноқаланың экономика саласына басшылық ететін ол мемлекеттік бағдарлама аясында бөлінген қаржыға ауыз салған екен.
Автор: Бек Әбиев
18.10.2017
Қынатов Тұрғынүй-коммуналдық шаруашылықты жаңғыртудың 2020 –шы жылға дейінгі бағдарламасы бойынша күрделі жөндеу жұмыстарын жүргізетін мердігерге қолдау көрсетіп, аударылған ақшаның 15 пайызын талап еткен. 20 мың теңгеліктермен буылған ақша шенеуніктің жатын бөлмесінен табылды. Кентауда талай әкімге орынбасар болған ол енді уақытша ұстау абақтысында тергеушілерге жауап беріп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
