Нұрсұлтан Назарбаев әуежайына айыппұл салынды

Нұрсұлтан Назарбаев әуежайына айыппұл салынды! Мұнда басшылықтың кәсіпкерлерге қысым көрсетіп, түрлі қызмет үшін қосымша ақы талап еткені анықталған. Заң бұзушылық негізінен әуежай аумағында ұшақтарды керосинмен қамтамасыз ететін бизнесмендерге қатысты. Әуе қақпасының басшылығы олардан жанармайды сақтағаны үшін ғана емес, әуе компанияларына сатқаны үшін де ақша талап етіп келіпті. Осы былықты анықтаған монополияға қарсы қызмет әуежай басшылығына айыппұл салған. Енді заңсыз табыс тауып келген олар 24 миллион теңге төлеуі тиіс.