Оралда биіктен құлап темірге қадалған жігіт жағдайдың қалай болғанын айтып берді
Оралда биіктен құлап темірге қадалған жігіттің беті бері қарады. Бірнеше күн хәл үстінде жатып, есін енді жиған Қайрен Баймолдин бүгін журналистерге жағдайдың қалай болғанын айтып берді. Жауынды күні шатырға шығып, жұмыс істемек болған ол аяғының тайып кеткенін және қазықта қанша уақыт шаншылып жатқаны жақсы есінде екен.
23.10.2017
Қайрен Баймолдин, Орал қаласының тұрғыны:
- пойыстан ұстап тартып тұрдым да бұрап жатқанда аяғым тайып кетті, қолым да шағып кетті. Есімде бар қалай қадалып тұрғаным. Бүйтіп қарадым екі штыр шығып тұр. Аяғымды қозғадым істеп тұрған сияқты. Жігіттерге айттым алды артымнан ұстай тұрыңдар жедел-жәрдем келгенше ауыртып бара жатыр деп.
Темір қоршауға қадалып жатқан Қайренді төтенше жағдай мамандары қоршауды аралап алып, ауруханаға денеге қадалған темірлерімен жеткізген. Оған төрт сағат бойы операция жасаған мамандар тірі қалуы екіталай деген болжам жасаған еді. Қазір жағдайы қалыпты. Ал Баймолдин шатырын жаппақ болған дәмхананың қожайыны әлі күнге ауруханаға аттап баспапты. Құрылысшының қауіпсіздігін қамтамасыз ете алмаған жұмыс берушінің кінәсі дәлелденсе жауапқа тартылады. Естеріңізге сала кетейік, оқыс жағдай 18 қазанда болған. 48 жастағы құрылысшы дәмхананың шатырын жабамын деп биіктен құлап, темірге шаншылып қалған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
